Phambi kwakho ngyaguqa ngyacela
ngicel'ukuba ungisize ungenzel'ufefe
Ngize kuwe ngoba wena ngikwethembile
Ngoba wena sobe wangilahla
Ngizamile, kepha ngiyehluleka
Nguw'ozongisiza kule nking'engibhekene nayo.
Siz'ungisusele lento, ohh, lo munt 'oseduze kwakho
Ngizamile, ngehluleka, nhliziyo yam, ngisize
Lo uyangiphazamiza, uyisiphazamiso kim
Izwi lakhe linkeneneza njalo kulezi zindlebe
Ngizwa ethi "Kanti kuyoze kube nini?"
Ngizwe ethi "Sengingaze ngilothe?"
Ngimuzwe ethi "Kanti mina ngiyoyibusa nini le nhliziyo?"
Kanti ngekabani le nhliziyo na?
Usungaze uyicwiye?
Usungaze uzabele ngayo! Akusilo ifa lelo!!
Nhliziyo yam, ngiqhelelisele lowo munt'okuwe
Lowo akafanele ukuhlala lapho.
Sobe kwabusa yena lapho!!
Sobe kwaba ikhaya lakhe lelo.
Kanti umnikazi walapho yena uyakuhlala kuphi?
Uyakubusa kuphi? Ngoba wena Sqhwaga usuhlezi!!
Kanti yena uyakuyitholaph'eny'inhliziyo yam?
Wen'usuzabele ngayo nje!!!
Nhliziyo ngisize, msuse, lowo aka belong lapho.
Nang'umnikazi walapho.
Sobe waphazamiseka kuleyo ndawo.
Subscribe to:
Post Comments (Atom)
No comments:
Post a Comment