Mzali wam

isimangaliso sothando ingqophamlando yothando, uthand olungapheli uthando lwaphakade. olungenza ngizizwe ngiphilile lungenze ngizizwe ngamkelekile lungenze ngibonge konk enginako, uthando lukamzali luyamangalisa. ngibong uthando lukamzali ngengiyikho uthando lokthandwa ngumzali luyababazeka, luyamangalisa, luyikho konke, ngibonga wena mzal onenhlonipho nothando kubantwana. thatha naz izibongo zingezakho, zingekudlule ngendlela, ziyakuthathwa ngubani nxa zidedelwe nguwe na? kanti ngezikabani? ngezika mzali onakekelayo. bomama nani bo baba uthando lwenu lunguthando olungefaniswe nalutho olungelinganiswe nalutho, ufanelwe ukubongwa ufanelwe inhlonipho, ubuhle bezenzo zakho yibo obungenza ngiziqhenye, nginyathele ezinyathelweni zakho, ngentokozo. ubuwena bonke mzali wam, buyangijabulisa, manginyathele kwezakho izinyathelo, yima njalo mzali, tshal uthando nenhloniphn kubantwana.

ikhaya lam

zinyawo zam ngibelethe yind indlel imile ifanelwe ukuhanjwa. ukuba kule ndawo akunampumelelo, akunasizathu. zinyawo zam ngithwale kwelami ikhaya kukhala ibhungane yimi oyofika nesikhiye sakhona ngifike ngivule maqede nginethezeke kwelami ikhaya. ngihlalile esid isikhathi kuwe xhokovana lam, ngiwa ngivuka ngakha elami khaya, pho-ke akulahlwa mbeleko ngakufelwa, namuhla ngikwelinye izinga, amehl ayagezeka ubuhle baleli khaya yibo obungijabulisayo. sizwe sakithi masiphileni sonke ngaleli khaya, phela liyisinkwa sokuphila kumuntu liyikho konke ongakucabanga. ngithatha leli khaya lam ngilipha igama, igama lalo yimpumelelo, impumelelo yam yiyo eyikhaya lam.

A Broken Heart.

He came to me, never showing his personality,
Only the body, pretend as if he's a good man,
Pretend as if he's right, ohh my God!!!
Pretend as if he's a man to be trusted.
Pretend to be my provider,
Also failling to fullfil my every desire.

When Im alone in a certain place, I think about it,
I ask myself, "Why?", Why should I stay in such a
Terrible relationship like this? Coz indeed this relationship has no future,
Its only have sorrows and pains, so why should I stay?
Why shouldn't I leave it & look for another one,
Coz, truelly, there are plenty of fish in the sea,
If u've eaten one, u can also have another one.
I have to leave this situation,
I have to leave this person,
He is not my provider, he is my heartbreaker.

Sinkwa Sokuphila

Sinkwa sokuphila kumuntu
Uyisiban'esikhanyis'ebumnyameni
Uyindlondl'esus'ubumnyama ngophaphe,
Sikhanyisele ngolwazi lwasendulo
Kuvuk'ugqozi lwempokophelo
Abancela kowakh'umbele bawazimuka,
Bajule ngenkulumo njengezingcithabuchopho
Batshal'izaqheqhe zenhlakanipho kubafundi.

Sibaningi sinqamula imifula nemifudlana
Siphokophelel'amanoni emfundo yabancane nabadala.
Ngaphandle kwesinkwa sokuphila asilutho,
Ongazi kufanel'avum'ukuth'akazi
Anikw'amaqhath'enjulalwazi
Sihlomule sonke ndawonye.
Masisukume sifunde,
Sifundise isizwe sonkana.

Inkondlo Yakho.

Ngeyam'ingqondo, ngicabang'okumele ngikwenze,
Ngowam'umlomo, ngikhiph'okumele kuzwakale,
Ngesam'isandla, ngibhala le nkondlo.
Le nkondl'ibheke kuwe mntasekhaya,
Wen'oseduze kwenhliziyo yam,
Wen'oliguguj lenhliziyo yam.

Bheka nje, ngabona wena,
Ngangakwaz'okumele ngikwenze,
ngahlala ngingakuboni, Eish! Ngagula.
Angidinge dokotela,
Phela owam'udokotela nguwe uqobo lwakho.

uthando lwam lugcwele luyachichima,
Luyaphuphuma luyizinto zonke.
Ngidel'ukuphil'impil'engiyithandayo, ngenxa yakho.
Ngakheth'ukukhethelwa nguwe.

Le nkondl'ingeyakho mntasekhaya.
Phela ubuwena bonke mntanomuntu,
bungizulisel'ikhanda,
Bungenza ngingafis'ukubon'omunye,
Okany'ukubuyel'emumva,
Bungenza ngithokoze ngaso sonk'isikhathi.
Le nkondl'ingeyakho mntanomuntu,
Ingeyakho, ave ikufanel.

Izinyembezi Zam Aziweli Phansi!

Ngiqinisile ngiqinisile,
Nguwe wedwa owaziyo.
Inking'imbangela nesizathu
Kwaziwa nguwe,
Nguw'ofihl'induk'emqubeni.
Ngambulele phela nami
Ze ngibone ngoba, kumnyama kuhlwile.

Mntanomuntu, ngaphenduk'isigqila,
Isigqila sothando, ukuphi kanti?
Owam'umcamelo, awusakwaz'ukoma,
Ungoma kanjan'ekubeni
Ukhongozel'izinyembez'ubusuku nemini?

Ukuphuma kwelanga kuyisitha kimi,
Angani nje ngizobona wena
Qed'inhliziyo yam'igay'izibozi,
Ihlal'igobhoz'igazi. Sengathi kungese!
Ubukhona bakho phambi kwawam'amehlo,
Buyisipho, buyisitha.

Mntanomuntu, ngigqilazeke
Kuhle kwembongolo,
Ngikhathele, ngidinga ukuphumula.
Ngabe luyofika nini olwam'usuku lokuphumula?
Engabe luyongifica nginjani?
Ngiqinisile ngiqinisile,
Nguwe wedwa owaziyo.

MHLAB'ESIPHILA KUWO.

Ubuhle bakho bungelinganiswe
Bungefaniswe nalutho,
Phela wena ufihle amazwe namazwekazi
Ngingewabale ngamagama awo,
Phela kungas'emnyango ngiwabala.

Ufihle izinhlobonhlobo zabantu,
Ngibala, iziphalaphala, amageza
Ngibale izindoni zamanzi
Ngiye ngibale ophumalanga sikothe.
Mhlaba umuhle unje, uhlobe unje,
Kodwa akukhont'engenasici sayo.

Bheka nje, uvuvukel'udumbil'uyinto zonke
Udunjiswe ngamathuna agcwele amazwe namazwekazi
Lawo mathuna ashiye izintandane zikhala esikaNandi.
Uvumel'ukuvuvuk'uvumel'ukudinjiswa ngamathuna nje....
Uthi lezi zimbal'ezingak'ozifukamele
Zizakuchelelwa ngubani?
Zizakukhula zihloniphe bani?
Ngoba phela wen'uziswis'ubuhlungu,
Uzivul'isilond'inkebenkeb'intengapholiyo.

Sithi sihlezi kuwe, sithole imfundo,
Sihloniphe siphinde sihlonishwe,
Ubukhulu bakho bungangeee.........
Eish!!!!!!!! Abulinganiseki!!